Бүгүн Жалил Садыковдун сөөгү жерге берилди

Залкар акын менен коштошуу зыйнаты Бишкектеги опера жана балет театрында өттү.

Эл акыны, драматург, коомдук ишмер Жалил Садыков 21-октябрда 78 жашында дүйнө салды.

Акындын жүздөгөн ырларына обон чыгарылып, драмалары ар кыл театрларда коюлган. Жалил Садыков Кыргыз Республикасынын Гимнинин автору. Кыргыз Республикасынын эл депутаты болгон. Ж.Садыковго «Кыргыз Республикасынын искусствосуна эмгек сиңирген ишмери», «Кыргыз Эл акыны» наамдары ыйгарылган. (AzK)