Ош облустук ооруканасынын дарыгерлери мамлекеттик сыйлык алышты

Президент Роза Отунбаеванын жарлыгы менен Ош облустук ооруканасынын эки дарыгери: кеңеш берүү-диагностика бөлүмүнүн башчысы, врач Токтоназар Жутанов менен оорукананын башкы мээрман айымы Ыкыбал Карагулова саламаттыкты сактоо тармагына сиңирген эмгеги үчүн Ардак грамота менен сыйланышты.

Ош облустук ооруканасынын курулуп, ишке киргенине быйыл 125 жыл болду. Аталган оорукананын кызматкерлери үстүбүздөгү жылы июнь айындагы коогалаңда адамдардын өмүрүн сактап калууга чоң салым кошкон. (ZKo)