БШК чет өлкөлөрдөгү айрым шайлоо жайларынан келген документтерди текшерүүдө

Бул туурасында "Азаттыкка" БШК мүчөсү Абдымомун Мамараимов билдирди. Мындан сырткары Борбордук шайлоо комиссиясы шайлоого байланыштуу келип түшкөн бир катар арыздарды жана айрым талаштуу шайлоо бекеттеринин протоколдорун текшерип, карап чыгуу менен алек болууда. Бул өңдүү иштер аяктагандан кийин гана шайлоонун расмий жыйынтыгы жарыяланары күтүлүүдө.

Буга чейин президент Роза Отунбаева 10-октябрда өткөн парламенттик шайлоонун жыйынтыгы ушул жуманын аягына чейин чыгарына үмүт артарын билдирген болчу. (KKs)