Башкы прокурор Кубатбек Байболов “Азаттыктагы” маегинде Кемелбек Нанаев тил кат аркылуу баш коргоо чарасы өзгөртүлүп, үй камагына чыгарылганын билдирди. К. Нанаев мурунку президент Аскар Акаевдин тушунда ээлеген кызматтарындагы мыйзам бузууларга байланыштуу айыпталып жатканын айтты. К. Нанаев Улуттук Банктын төрагасы болуп иштеп тургандагы аракеттери жана андан кийин алтынга байланышкан окуялар боюнча Жогорку Кеңештин чечими менен атайын комиссия түзүлгөн. Анын жыйынтыгында кылмыш иши козголуп, 2005-жылы айып тагылган. Ошондон баштап ал кишиге издөө жарыяланган, эми кылмыш иши тергелет, дейт К. Байболов. (EBM)
