Өлкө боюнча салтанаттарга миңдеген киши катышат деп болжолдонууда. Москвада Кремлчил жаштардын "Наши" уюму менен катар Орусияга мигранттардын келишине каршы чыккан ашкере оңчул топтун 5500 мүчөсүнө нааразылык акциясын өткөрүүгө уруксат берилген. Улуттук биримдик күнүн мындан беш жыл мурда ал кездеги президент Владимир Путин Улуу Октябрь революциясынын 7-ноябрь майрамынын ордуна жарыялаган. Сурамжылоодо бүгүнкү майрам 1612-жылы Москванын поляктардан бошотулушунун күнү экендигин калктын 10 пайызы гана анык билери маалым болду.
