Өлкөнүн түндүк-батышындагы мечит жардырылганда аз дегенде 53 киши каза таап, 100гө чукулу жараат алды. Хайбер-Пахтунква дубанынын баш калаасы Пешавардагы жардыруу кечээ, динзарлар жума намазга чогулган мезгилде болду. Мындан бир нече сааттан кийин Пешавардын жанындагы дагы бир мечитке граната ыргытылганда, аз дегенде эки кишинин өмүрү кыйылды. Кол салууларды кимдер уюштурганы анык эмес.
