Нью-Йоркто жайгашкан Ачык Коом – Акыйкаттык демилгеси деген уюмдун билдиришинче, БУУнун Адам укуктары комитетине жолдогон катында Евгений Жовтис өзүн “сын айттырбаш” үчүн соттошконуна даттанган. Жовтис Алматыдагы таанымал Адам укуктары бюросун жетектеп туруп, киши каза болгон жол кырсыгына байланыштуу, былтыр төрт жылга кесилген. Эл аралык коомчулукта сот иши саясий кысым менен өткөндүгүн сынга алынган.
