Жабырпул ала тургандар он алты адам, алардын баары британ жарандары. Алар менен өкмөт "жабык келишим" түзгөнүн юстиция министри Кеннет Кларк британ парламентинде билдирди. Келишимдин майда-бараты белгисиз, бирок айрым булактар жабыракынын жалпы өлчөмү бир нече миллион долларга жетерин кабарлашты. Мурдагы туткундар камалганга чейин эле аларды АКШда жана Пакистанда кыйнап суракка алышканын Британиянын атайын кызматтары билишкен жана муну алдын-алуу үчүн эчтеме жасашкан эмес деп ырасташкан эле.
