Пентагондун башчысы Роберт Гейтс билдиргендей, эл аралык катаң санкциялардын экономикадагы салакалары иран жетекчилери үчүн күтүүсүз иш болду жана жогорку бийлик чөйрөсүндө, атап айтканда, жогорку лидер аятолла Али Хаменеи менен президент Махмуд Ахмединежаддын ортосунда араз чыгарды. Гейтстин айтымында, эгер Ирандын атом жайларына абадан сокку урулганда, анда мунун натыйжасы башкача болмок – ирандыктарды баш коштуруп, Тегерандын атом программасы ого бетер жабык мүнөзгө айланмак.
