Курал соодагери деп шектелген орусиялык Виктор Бут Тайланддан Нью-Йоркко алып келингени маалымдалды. “Өлүм соодагери” деген лакап атка конгон 43 жаштагы мурдакы учкуч офицерди АКШ 1990-жылдардын башынан тарта Африка, Түштүк Америка жана Жакынкы Чыгыштагы жаңжалдуу аймактарга мыйзамсыз курал саткан деп айыптоодо. Орусия Виктор Бутту экстрадициялоону мыйзамсыз деп атады жана Тайланд өкмөтү АКШнын катуу кысымына туруштук бербей, бул кадамга барды деп аны сындады.
