Мындай маалыматты бүгүн Нарын райондук сантиардык эпидемиологиялык борборунун башчысынын орун басары Сыяпат Сырдыбаева билдирди. Анын айтымында, өткөн жылдын он айында Нарын шаарында сарык оорусунун элүү учуру катталса, 2010-жылдын он айында бул көрсөткүч 131ге жеткен. Шаарда сарык оорусун алдын алуу жана тарап кетишине бөгөт коюу максатында оорунун ар бир очогунда эпидемиологиялык иликтөөлөр жүрүп, сантиардык сунуштар берилип, натыйжада үч медицина кызматкерине, эки мектеп директоруна жана бала бакчалардын жетекчилерине айыптар салынган. (JI)
