Кыргызстандагы Жапон элчилигинин маалыматында мындай иш-чара Кыргызстанда биринчи жолу Жапон эл аралык кызматташуу уюмунун колдоосу менен уюштурулуп жатат. Бир апта бою шаар тургундары жапондордун байыркы жана заманбап маданиятына күбө болушат. Бүгүн Ала-Тоо аянтында эстафеталык жүрүш уюштурулуп, ага каалоочулардын бардыгы чакырылды. Эртеңден тарта атайын сүрөт көргөзмөлөр, жапон китептеринин, тамак-ашынын жарманкеси, жапон музыкасын сүйүүчүлөр үчүн концерттер, спорт жана күрөш искуссвосу боюнча фестивалдар өткөрүлөт. 20-ноябрда башталган маданият жумалыгы 27-ноябрда жыйынтыкталат. (AzK)
