Бүгүн Бишкекте Спорт сарайында апрель окуялары боюнча соттук териштирүү уланып жатат. Анда жабырлануучулар, күбөлөр көрсөтмө бере баштады. Жалпысынан 306 адам жабырлануучу жана 129 киши күбө катары өтмөкчү. Кечээки соттук процессте мамлекеттик айыптоочулар соттолуп жаткандарды күнөөлөрү менен тааныштыруну аяктады. 7-апрелде куралсыз элге ок аткан, ок атууга буйрук берген деген айып 28 кишиге тагылган, алардын ичинен алтоо азыр издөөдө жүрөт. (EBM)
