Кабарчыбыздын маалымдашынча, жабырлануучулар айыпталып жаткандардын жактоочуларын тыйбагандыгы үчүн сотко төрагалык кылып жаткан судьяга нааразычылык билдирип, сот залынан чыгып кете турганын эскертишти. Каримжан Стамов аттуу жабырлануучу көрсөтмө берип жатканда соттолуп жаткандардын адвокаттары бир суроону бир нече жолу берген үчүн жабырлануучулардын жактоочулары судьяга аларды тыюуну өтүнүшкөн, бирок судья алардын өтүнүчүн четке какты. Бүгүнкү соттук процессте жабырлануучулар жана күбөлөр көрсөтмө берип жатышат. Апрель окуясы боюнча 28 адамга айып тагылган. (EBM)
