Эмдиги аптада Евросоюздун тышкы саясий мекемесинин башчысы Кэтрин Эштон менен Ирандын атом программасы боюнча өкүлү Саид Жалили Женевада жолугуп, сүйлөшүүлөрдү өткөрөт. Тегерандын бул кадамын АКШнын мамлекеттик катчысы Хиллари Клинтон кубаттады. "Биз Иранды дүйнөлүк жамааттын жоопкерчиликтүү мүчөсү катары көргүбүз келет. Бирок бул үчүн Иранга өзүнүн эл аралык бардык милдеттенмелерин так аткарып, атом куралына ээ болуу аракеттерин токтотууга туура келет", -деп айтты Клинтон.
