Кеңештин Баш катчысы Турбьерн Ягланд Иран сотунун "адамгерчиликсиз кадамы аны катуу бушайман” кылганын жана бул окуя Иран бийликтеринин адамдардын негизги укуктарын көзгө илбегенин дагы бир ирет күбөлөй турганын билдирди. Эл аралык "Мунапыс" уюму Шахле айым жаңылыш соттолгонуна негиз бар деп, өкүмдү кайра кароого чакырган болчу. Сот Шахле Жахедди жети жыл мурда “убактылуу никедеги” күйөөсү, Ирандын улуттук футбол командасынын оюнчусу Насер Мохаммад Ханинин никелүү аялына кызганып өлтүргөн деп тапкан.
