Палестина жетекчилиги Израилдин талаштуу Чыгыш Иерусалимде 625 турак-үй куруу планын сындады. Кечээ Израилдин ички иштер министри 50 миң калктуу аймакта жаңы тамдарды курууга ноябрдын аягында райондук пландоо комитети уруксат бергенин тастыктаган эле. Маалыматка караганда, бул планды эми райондук жана улуттук өкмөттүн деңгээлинде бекитип, курулушту баштоого кеминде эки жыл керек. Палестин өкмөтүнүн даражалуу дипломаты Саеб Еракаттын сөзүнчө, Израил “тынчтыкка эмес, конуштарга артыкчылык берүүдө”.
