Линктер

жума, 24-февраль, 2017 Бишкек убактысы 19:12

Москвада Кыргызстандан келген адам сабалганы кабарланууда


Москвада Кыргызстандан келген адам сабалганы туурасында Орусиянын "Сова" маалымат-аналитикалык борбору жазып чыкты. Ага ылайык, 16-декабрда кечки саат ондордо Москванын түштүгүндөгү Генерал Белов атындагы көчөдө, соода борборунун короосун шыпырып иштеген 27 жаштагы кыргызстандык жаран ур-токмокко кабылган. Аны өспүрүм жашындагы үч адам темир таяктар менен сабаганы кабарланууда. Натыйжада жабырлануучу ооруканага жеткирилип, бул ишке тиешеси бар деген шек менен 15 жана 16 жаштагы ага-ини жана дагы бир 15 жаштагы өспүрүм кармалган. Бул факт боюнча кылмыш иши козголуп, укук коргоо кызматкерлери кармалгандардын кылмышка тиешеси бардыгын, же жоктугун аныктоодо деп жазылат маалымат-аналитикалык борбордун кабарында.

Кыргызстандын Орусиядагы элчилигинин өкүлү бүгүн дем алыш күн болгондуктан маалыматты тактоо мүмкүн болбой жаткандыгын "Азаттыкка" билдирди. (KKs)

Азаттык Фейсбукта

XS
SM
MD
LG