Бүткүл дүйнөлүк банк Кыргызстанга 2011-жылкы бюджетти колдоо максатында 40 млн. доллар каражат бөлмөкчү. Бул тууралуу аталган банктын өкүлчүлүгүнүн башчысы Александр Кремер бүгүн премьер-министр Алмазбек Атамбаев менен жолугушуусунда билдирди. А.Кремер бул каражат келерки жылдын июнь айына чейин бөлүнүп берилерин жана 2010-жылы Дүйнөлүк банк Кыргызстанга 70 млн. доллар бөлгөнүн кошумчалады. Александр Кремер донорлордун экинчи жыйынын уюштурууга аракет кылаарын билдирди. Өз кезегинде А.Атамбаев банк жетекчилигине июнь айындагы коогалаңда көрсөткөн жардамы үчүн ыраазычылык билдирди. Бул тууралуу өкмөттүн маалымат кызматы кабарлады. (КЕ)
