Кыргызстандын премьер-министри Алмазбек Атамбаев алгачкы иш-сапарын Орусиядан баштоодо. Премьер-министрдин маалымат кызматынан “Азаттыкка” билдиришкендей, Алмазбек Атамбаев Орусияга бүгүн таңда жөнөп кетти. Москвада ал кесиптеши, Орусиянын премьер-министри Владимир Путин менен жолугушуп, эки тараптуу сүйлөшүүлөрдү өткөрөт. Маалыматтарга караганда, кыргыз өкмөт башчысы Орусиядан алынып келинчү күйүүчү майдан кошумча төлөмдөрдү алып салуу, энергетика жаатында биргелешкен долбоорлорду ишке ашыруу сыяктуу маселелерди чечүүгө аракет кылмакчы. (IJz)
