Орусия Кыргызстанга жөнөтчү күйүүчү майга кошумча бажы төлөмүн бир жарым айга алып салды. Бул тууралуу “Азаттыкка” өкмөт башчы Алмазбек Атамбаевдин кеңешчиси Фарид Ниязов билдирди. Мындай макулдашууга өкмөт башчы Орусиядагы иш сапары маалында жетишти. Ушул жылдын башында орус өкмөтү Кыргызстанга жөнөтчү күйүүчү майдын бир тоннасына 200 доллардан ашык кошумча бажы төлөмүн киргизген эле. Натыйжада өлкөдө күйүүчү майдын баасы көтөрүлүп кеткен. (EBM)
