Орус оппозициясынын лидерлеринин бири, Борис Ельциндин тушунда өкмөт-башчынын орун басары болгон Борис Немцов Жаңы жылдын алдынан уруксат берилбеген пикетке катышканы үчүн жекшембиде 15 күнгө эркинен ажыратылды. Москвадагы пикетте жалпысынан 68 адам камалган. Кабарларга караганда, Немцов соттун чечимине каршы аппеляциялык арыз жазаарын билдирди. Камалган саясатчыларды колдогон пикеттер бүгүн Москвада жана Петербургда өтөөрү кабарланууда.
