Кечээ өлкөдө калк эң жыш жайгашкан Пунжаб облусунун губернатору Салман Тасирди анын өзүнүн жансакчысы атып өлтүргөн. Ал киши кармалып, губернаторду мурдатан эле христиандарга жан тартып келген деп жек көрүп жүргөнүн мойнуна алды. Тасир өлкөдөгү башкаруучу Пакистан Элдик партиясындагы прогрессивдүү саясатчылардын бири эле, президент Асиф Али Зардаринин жакын санаалашы катары белгилүү болчу. Анын өлтүрүлүшүн АКШ, Евробиримдик жана Бириккен улуттар уюму айыпташты. Өлкөдө буга байланыштуу үч күндүк аза күтүү жарыяланды.