Тунистин президенти Зине ал-Абидине Бен Али 23 киши каза тапкан тополоң үчүн өлкөнүн ички иштер министрин кызматтан кетирди. Мындан дээрлик бир ай мурда башталган толкундоолор майда шаарлардан кечээ Тунистин баш калаасына чейин жетти. Жумушсуздукка жана коррупцияга нааразыланган демонстранттар үйлөрдү өрттөп, полицияны таш бараңга алган толкундоолор Президент Абидиненин 23 жылдан берки бийлигине келтирилген эң ири коркунуч болуп калды.
