АКШнын вице-президенти Жо Байден күтүүсүз визит менен Багдадга келди. Ал Ирактын премьер-министри жана башка жетекчилер менен кездешери маалымдалды. Байден 12-январда Исламабадда Пакистан лидерлери менен кездешти. Жолугушууда Ооганстанга чектеш аймактардагы ислам согушчандарына каршы күрөшүү маселеси талкууланды. Байден менен болгон кездешүүдөн кийин президент Асиф Али Зардари Пакистан өз жериндеги экстремисттерге жана террорчуларга каршы чечкиндүү согушарын кайра ырастады.
