Бул туурасында “Кыргызгаз” мамлекеттик ишканасынын жетекчисинин орун басары Нурбек Жалидинов “Азаттыкка” билдирди. Натыйжада газдын бир кубунун баасы былтыркыдай эле 14 сом 48 тыйындан сатылат. Маалыматка ылайык, Өзбекстандан газдын миң кубу 223 доллардан сатылып алынса, кыргызстандык колдонуучуларга жеткенге чейин бул суммага орто эсеп менен дагы 85 доллар кошулат. Бул каражат газды өткөрүү жана газ түтүкчөлөрүнүн колдонууга жумшалат. 2011-жылы Кыргызстан Өзбекстандан жалпысынан 200 миллион куб метр газ ала турган болду. (KKs)
