КТРК башчысынын орун басарлары ээлеген кызматтарынан бошотулду

Президент Роза Отунбаеванын буйругу менен Кадыралы Кошалиев Кыргыз Республикасынын Коомдук телерадио берүү корпорациясынын башкы директорунун орун басарынын кызматынан бошотулду. Мамлекет башчысынын башка буйругу менен Уланбек Карыпов да КТРКнын башкы директорунун орун басарынын кызматынан бошотулду. Бул тууралуу президенттин маалымат кызматы билдирет.

Буга чейин КТРК башкы директорунун сунушу менен Байкоочу кеңеш бул орундарга жаңы адамдарды бекиткен. (IJz)