Линктер

logo-print
шейшемби, 6-декабрь, 2016 Бишкек убактысы 12:01

Санжар Бакиевдин соту 27-январга калды


Жогорку Соттун басма сөз катчысы Бактыбек Рысалиевдин билдиришинче, Санжар Бакиев баштаган айыпталуучулардын арызын кароону Чүй облустук соту 27-январга калтырды. Буга С. Бакиев менен бирге айыпталып жаткан Базарбай Арзыкулов жана Нурлан Ахмедовдордун жактоочусу Шадыбек Сопубековдун ооруп калып, сотко келбей калышы себеп болгон.

Санжар Бакиев баштаган беш адамга 13-14-май күндөрү Жалал-Абад шаарында "массалык башаламандык уюштурган", "мыйзамсыз куралдуу топко жана киши өлтүрүүгө катыштыгы бар", "бийлик өкүлдөрүнө күч көрсөткөн", "бийликти басып алууга аракет кылган" деген айыптар коюлган. 2-ноябрда Жалал-Абад шаардык соту Санжар Бакиевди 10 жылга эркинен ажыраткан өкүм чыгарган. Санжар Бакиев болсо өзүнө коюлган айыптарга макул болбой, апелляциялык арызын Чүй облустук сотуна тапшырган болчу. (KKs)

Азаттык Фейсбукта

XS
SM
MD
LG