Линктер

жума, 9-декабрь, 2016 Бишкек убактысы 07:58

Аксы окуясы боюнча сот жылдырылды


Жогорку Соттун маалымат кызматынын жетекчиси Бактыбек Рысалиевдин “Азаттыкка” билдиришинче, бүгүнкү соттук отурумда адвокаттардын ишти кайра толук иликтөөгө жиберүү өтүнүчүн сот канаттандырды. Ага ылайык сот белгисиз мөөнөткө жылдырылды.

Аксы окуясы боюнча 20-январда жабык башталган сот отуруму айыпталып жаткан мурдагы баш прокурор Чубак Абышкаевдин сотко келбей калгандыгына байланыштуу бүгүнкүгө которулган. Бул иш боюнча Аксы окуясы маалында коопсуздук кеңешинин катчысы болуп турган Болот Жанузаков, ошол кездеги башкы прокурор Чубак Абышкаев, Жалал-Абад облусунун мурдагы прокурору Зоотбек Кудайбергенов жана ал убактагы Улуттук коопсуздук кызматынын Жалал-Абаддагы башкармалыгынын жетекчиси Таштан Мамбеталиев күнөөлөнүп жатат. Аларга "жарандарды мыйзамсыз кармоого алган" жана "кызмат абалдарынан кыянаттык менен пайдаланган" деген кинелер койулуп жатат.

2002-жылы 17-мартта Аксы районунда Үзөңгү-Кууштун Кытайга берилишине каршылык кылып, райондун борборуна жөө жүрүш менен бара жаткан элге бийлик ок чыгарган. Андан 4 киши набыт болгон. Ошол эле жылы 18-мартта Аксы районунун борбору Кербенде милициянын огунан бир жигит, токмогунан дагы бир киши мерт кеткен. (AzK)

Азаттык Фейсбукта

XS
SM
MD
LG