АКШнын 2011-жылкы бюджеттик тартыштыгы мурда болжолдонгондон 40 процентке көп болот. Конгресстин бюджеттик комитетинин эсебинче, быйылкы финансылык жылда казынанын кемтиги 1, 48 триллион долларга жетет. Комитеттин маалымдашынча, тартыштыктын өсүшү негизинен Барак Обаманын кеңсесинин мурдагы президент Жорж Буш тушунда берилген салык боюнча жеңилдикти узартуу чечимине байланыштуу.
