Өткөн 2010-жыл Ооганстанда талиптер бийликтен кулатылган он жылга чукул убакыттан берки эң кандуу жыл болду. Ооганстандагы укуктарды көзөмөлдөө борборунун маалымдашынча, былтыр өлкөдө 2400дөн ашуун адам өлтүрүлгөн. Алардын 60 пайызынын өмүрү үчүн талиптер жана башка эрегишчилер, АКШ башындагы эл аралык күчтөр жоготуулардын 21 проценти үчүн, ооган армиясы 12 проценти үчүн жооптуу деп белгиленет кабылдык уюмдун билдирүүсүндө. 2009-жылы 2300дөн бир аз көп ооган бейажал өлгөн.
