Линктер

шаршемби, 7-декабрь, 2016 Бишкек убактысы 22:50

Шашылыш билдирүү: Кар көчкү жүрүшү ыктымал


Синоптиктердин маалыматы боюнча, 7-10-февраль күндөрү күтүлуп жаткан жаан-чачындан улам өлкөнүн тоолуу райондорунда, автожолдордо кар көчкү күтүлөт. Автоунаалардын ортосунда 500 метр аралыкты сактоо сунуш кылынат. Айрым жерлерде кар күрткүсү пайда болуп, жолдор тайгак болууда, ошого байланыштуу автоунаалардын жүрүшү кыйындайт.

8-февралда Кыргызстандын айрым аймактарында кар жаайт. Жолдор тоңголок, тайгак болот. Батыштан соккон шамалдын ылдамдыгы секундуна 4-9 метрден, кээ бир жерлерде 15-20 метрге жетет.

Абанын температурасы: Чүй облусунда -1…-6, күндүз 2…+7 градус, Талас аймагында түнкүсүн -3…-8 градус суук, күндүз 0…+5 градус болоору күтүлүүдө. Баткен өрөөнүндө түнкүсүн 1…-6, күндүз 2…+7 градус жылуу болсо, Ош жана Жалал-Абадда түнкүсүн -- 2…+3, күндүз 3…8 градусту түзөөрү күтүлүүдө. Ысык-Көл ойдуңунда түнкүсүн 0…-5, күндүз 2…7 градуска барабар, Нарын облусунда -8…-13, күндүз -4…+1 градус суук болот. Тоолордо сууктун күчү түнкүсүн -11…-16, күндүз -3…-8 градуска чейин жетет.

Бишкек шаарында жаан-чачын күтүлбөйт. Жолдор тайгак болот. Батыштан соккон шамалдын ылдамдыгы секундуна 4-9 метрге жетет. Абанын температурасы түнкүсүн -2…4 градус суук, күндүз 4… +6 градусту түзөт. (КЕ)

Азаттык Фейсбукта

XS
SM
MD
LG