Грузияда Сталиндин айкелинин ордуна 2008-жылкы грузин-орус согушунун жана Советтер союзундагы репрессиянын курмандыктарына арналган эстелик тургузулат. Бул тууралуу Грузиянын маданият министрлиги билдирди. Эстелик Иосиф Сталин төрөлгөн Гори шаарчасына коюлары айтылды. Ал жерде диктатор Сталиндин 15 метрлик айкели турган. Аны өлкөнүн батышчыл бийликтери былтыр июнда алдыртып салышкан.
