Ирактын расмий тараптарынын билдирүүсүндө ишембидеги (12-феврал) жанкечтинин жардыруусунан өлгөндөрдүн саны 33кө жетти. Жанкечти сыйынуудан келаткан шийиттер түшкөн автобусту жардырган. Жардыруу Багдаддын түндүгүндөгү Самара шаарына чукул жерде болуп, ондогон адамдарды жарадар кылды. Иракта шийиттер жоочу сунни топтордун курмандыгы болуп калган учурлар көп катталат.
