Линктер

ишемби, 10-декабрь, 2016 Бишкек убактысы 22:41

Баш прокуратура “Альфа” боюнча кылмыш ишин козгоду


Башкы прокуратура Улуттук коопсуздук кызматынын “Альфа” тобунун оор кылмышка шектелип жаткан кызматкерлеринин атайын операцияга салынышына байланыштуу кылмыш ишин козгоду. Бул ишти тергөө Аскердик прокуратурага тапшырылды.

15-февралда Башкы прокуратура “Альфа” тобунун айыпталып жаткан кызматкерлерин атайын операцияга салынышы боюнча жооптуу УКМК экенин айтып билдирүү тараткан.

5-январда Бишкектен анча алыс эмес Беш-Күңгөй айылында террорчу деп шектелгендерге каршы атайын операция маалында альфачы Жеңишбек Бабараимов окко учкан. Кийинчерээк Бабараимов 7-апрелде Бишкекте тынч чогулган элге ок чыгарган деп айыпталып жаткан аскерлердин бири экени анык болгон.

12-февралда Бишкекте Башкы прокуратуранын жамааттык жыйынында президент Роза Отунбаева террорчуларга каршы атайын операцияга “Альфанын” айыпталып жаткан кызматкерлеринин тартылышы боюнча прокуратура кызматын кескин айыптаган болчу. (EBM)

Азаттык Фейсбукта

XS
SM
MD
LG