Бейшембиде Бахрейндин борбордук Бермет аянтында чогулган жүздөгөн демонстранттар коопсуздук күчтөрү менен кагылыша кетип, төрт киши набыт болуп, 200дөн ашуун адам жараат алган. Ушул аптадагы көчө акцияларынан бардыгы алты киши мерт болду. Бүгүнкү тажыяга келген миңдеген бахрейндиктер өкмөткө каршы плакаттар жазып алып, ураан чакырып жатышты. Калкынын 70%дайын шийи мусулмандары түзгөн өлкөнү суннилер монархиясы башкарат. Батыш мамлекеттери АКШнын деңиз аскер базасы жайгашкан Бахрейндин өкмөтүн демонстранттарга мыйзам чегинде мамиле кылууга үндөп жатышат.
