Укук коргоочу Өндүрүш Токтонасыров Бишкектеги Юстиция министрлигинин алдында митингге чыкканын “Азаттыкка” билдирди. Ал Кыргызстандагы бир катар массалык маалымат каражаттарынын аталыштарында чет тилдеги сөздөр колдонулуп, мамлекеттик тил жөнүндө мыйзам одоно бузулуп жатканын билдирүүдө. Мындан улам Юстиция министрлигинен андай маалымат каражаттарынын аттарын кыргызчалап, кайрадан каттоодон өткөрүү сунушун айтууда. Юстиция министрлигинин өкүлдөрү Токтонасыровдун жүйөлөрүн угуп жатат. (KKs)
