Нарын шаарынын таштандыларын чыгаруу боюнча маршруттук карта даярдоо долбоорунун алкагында “Таза Нарын” муниципалдык ишканасына алты маршруттук карта тапшырылды. Бул тууралуу “Жаш данакер” коомдук бирикмесинин төрагасынын орун басары Рахат Асанов “Азаттыкка” маалымдады. Бул долбоор таштандыларды чыгаруу иштеринин сапатын жогорулатууну көздөйт. Мындан сырткары ишкананын кызматкерлеринин абоненттер менен иштөө денгээлин көтөрүү үчүн шаар тургундарынын арасында санитардык жана экологиялык багытта маалымат берүү жараяндары да өткөрүлдү. (ErB)
