Линктер

logo-print
жекшемби, 04-декабрь, 2016 Бишкек убактысы 12:29

7-мартта айрым аймактарда жаан-чачын күтүлөт


Синоптиктердин маалыматы боюнча, 7-мартта Кыргызстандын айрым жерлеринде жаан-чачын жаайт. Чүй, Талас, Ош, Жалал-Абад жана Баткен облустарынын кээ бир райондорунда туман түшөт. Тоолуу аймактардагы автожолдор тоңголок, тайгак болот. Батыштан соккон шамалдын ылдамдыгы секундуна 4-9 метрден, Ысык-Көл кылаасында 15-20 метрге чейин жетет.

Абанын температурасы: Чүй облусунда түнкүсүн -1…-6 градус суук, күндүз 1…6 градус жылуу, Талас аймагында түнкүсүн -3…-8 градус, күндүз 0…5 градус болоору күтүлүүдө. Баткен өрөөнүндө түнкүсүн -1…-6 градус суук, күндүз 2…7 градус жылуу болсо, Ош жана Жалал-Абад облустарында абанын температурасы түнкүсүн 0…-5, күндүз 1…6 градуска чейин жылыйт. Ысык-Көл ойдуңунда түнкүсүн -1…-6, күндүз 1…6 градус, Нарын облусунда түнкүсүн -7…-12, күндүз -2…+3 градус болоору күтүлүүдө. Тоолордо сууктун күчү түнкүсүн -19…-24, күндүз -7…-12 градуска чейин жетет.

Бишкек шаарында түнкүсүн ала булут каптап турат, дээрлик жаан-чачын күтүлбөйт. Күндүз жаан-чачын болушу мүмкүн. Батыштан соккон шамалдын ылдамдыгы секундуна 4-9 метрге чейин жетет. Абанын температурасы түнкүсүн -3…-5 градус суук, күндүз 4…6 градус жылуу болот. (KKs)

Азаттык Фейсбукта

XS
SM
MD
LG