Бүгүн Бишкекте “Демократия жана жарандык коом үчүн” коалициясы “Парламенттин ишинин ачыктыгы жана аны жарандык көзөмөлгө алуу” аттуу теманын айланасында талкуу өткөрөт. Анда Жогорку Кеңешинин регламентин реформалоо жана депутаттардын ишинин ачык болуусун камсыздоочу механизмдерди иштеп чыгуу маселелери көтөрүлмөкчү. Жыйын азыркы парламент жетекчилеринин жабык жыйындарды көбүрөөк өткөрө баштаганына байланыштуу өткөрүлүүдө. Бул тууралуу “Демократия жана жарандык коом үчүн” коалициясы маалымдайт. (IJz)
