ШКУ баш катчысы Жапониядагы апаат боюнча билдирүү жасады

Шанхай кызматташтык уюмунун башкы катчысы Муратбек Иманалиев бүгүн көптөгөн адамдардын өмүрүн кыйып, чоң кыйроолорду алып келген Жапониядагы катуу жер титирөө жана топон суу каптоосуна байланыштуу билдирүү таратты.

Анда ШКУ Жапониядагы апаатта каза болгондордун жакындарына жана жабыр тарткандарга терең кайгыруу менен көңүл айтары, ШКУга мүчө өлкөлөр жапон тарапка ар тараптуу жардамын берүүнү уланта берери айтылат. (IJz)