Сириянын коопсуздук күчтөрү өлкө борбору Дамаскиде Ички иштер министрлигинин алдына чогулган демонстранттарды желим таяктар менен уруп таркатты. Күбөлөрдүн айтышынча, министрликтин алдына чогулган ондогон адамдар саясый туткундарды абактан бошотууну талап кылышкан. Демонстранттарды таркатуу учурунда бир адам жараат алган. Полиция бир нече адамды кармап кеткен.
