Улуу Жеңиштин 66 жылдыгына карата Ички иштер министрлигинин Кубогу үчүн массалык маалымат каражаттарынын өкүлдөрүнүн арасында ок атуу боюнча таймаш өттү. Таймаш тапанча жана Калашников үлгүсүндөгү автоматты атуу боюнча болду. “Азаттыктын” кабарчысы Элеонора Бейшенбек кызы журналист кыз-келиндер арасында автомат атуудан байгелүү үчүнчү орунду ээледи. Министрликтин Кубогун командалык эсеп менен НБТ каналынын кабарчылары алды. Ошондой эле бардык катышуучуларга министр Зарылбек Рысалиевдин фондунан 1 миң сомдон берилди.
Министр Зарылбек Рысалиев мындай спорттук таймаштар мындан ары үзгүлтүксүз өткөрүлүп тураарын белгиледи.
Министр Зарылбек Рысалиев мындай спорттук таймаштар мындан ары үзгүлтүксүз өткөрүлүп тураарын белгиледи.
