Чукул кырдаалдар министрлигинин басма сөз кызматынан “Азаттыкка” кабарлашкандай, кечээ кечки саат тогуз жарымдар чамасында Талас аймагында катуу шамал болду. Ылдамдыгы секундуна 20 метр, айрым жерлерде 28 метрге чейин жеткен шамалдын кесепетинен Талас шаарындагы, Бакай-Ата, Кара-Буура жана Талас райондорундагы бир катар бак-дарактар жыгылып, ондогон үйлөрдүн чатырларына зыян келди. Ушул тапта келтирилген чыгымдын көлөмү такталууда. (KKs)
