Минскиде КМШ өлкөлөрүнүн өкмөт башчыларынын Кеңеши башталды

Саммитке Кыргызстандан өкмөт башчы Алмазбек Атамбаев катышууда. КМШ өлкөлөрүнүн өкмөт башчыларынын 57-жыйынында негизинен экономика жаатында кызматташтыкты арттыруу боюнча сөз болмокчу. Минскиде Эркин соода жүргүзүү аймагы боюнча келишимге кол коюлаары күтүүлүдө. Мындан тышкары азык-түлүк коопсуздугу жаатында кызматташтыкты арттыруу маселелери каралат.

КМШ өлкөлөрүнүн өкмөт башчыларынын Кеңеши бүгүн баш-аягы 19 маселе боюнча жыйын кураарын өкмөттүн басма сөз кызматы билдирет. (EK)