Футбол ассоциацияларынын эл аралык федерациясы (ФИФАны) коррупция үчүн айыптоолор күчөгөндөн кийин кечээги шайлоону кийинкиге жылдырууну суранышкан эле. Бирок ал өткөрүлдү жана буга чейинки президент Зепп Блаттер кайра шайланды. Катар мамлекети 2022-жылы Футбол боюнча дүйнөлүк чемпионатты өзүндө өткөрүүгө укук алыш үчүн “ФИФАнын жетекчилигине пара берген” деген айыптоолордон кийин Блаттер бул уюмдун имиджине катуу сокку урулганын билдирген. Кечээ кайра президенттикке шайлангандан кийин ал ФИФАнын мурдагы аброюн калыбына келтириш үчүн иштей турганын айтты.
