Президент Александр Лукашенко бүгүнкү билдирүүсүндө “өлкөдөгү экономикалык кризистин чыгышына журналисттердин таасири зор болду” деп билдирди. Өлкөдө улуттук валюта 36% арзандатылып, инфляция өстү. Мамлекет оор экономикалык кризисти баштан кечирүүдө. Лукашенконун ишениминде, журналисттер “чуу чыгарып жиберишти, аны сырткы күчтөр пайдаланып калышты”. Эгерде экономикалык кризис дагы курчуса, ал “өлкөнүн чек арасын жаап, импортту кыскартам” деп эскертти.
