Кытай бийлиги белгилүү сүрөтчү жана дизайнер Ай Вейвейди күрөөгө коё берди. Синхуа агенттиги маалымдаганына караганда, Вейвей салык төлөөдөн качкандыгын моюнга алгандан кийин жана өнөкөт оорусуна байланыштуу азат кылынды. Сүрөтчү үйүнө кайтып келгенден кийин британиялык каналга өзүн жакшы сезип жатканын айтты. 53 жаштагы Вейвей 3-апрелде Гонконгго бараткан жеринен Бээжиндеги аэропортто кармалган. Кытай өкмөтүнүн сынчысы катары белгилүү сүрөтчүнүн камакка алынышын Батыш катуу сындаган.
