Тоолуу Карабак боюнча сүйлөшүүлөр үзгүлтүккө учураганы үчүн Армения менен Азербайжан бири-бирин айыптап жатышат. Жума күнү Казанда Орусиянын, Азербайжандын, Армениянын президенттери Тоолуу Карабакты жөнгө салуунун жаңы өңүттөрүн талкуулап, билдирүү кабыл алышкан. Ишемби күнү Армения Тышкы иштер министрлиги Азербайжандын көз карашынан улам Казан жолугушуусу майнапсыз болуп калды деди. Ага жооп кылган Азербайжан Тышкы иштер министрлиги көп чегинүүлөрдү талап кылып жатат деп билдирди.
