Бүгүн Кытайдын Кыргызстандагы элчиси Ван Кайвэн Нарынга иш сапар менен барат. Нарын облусунун губернаторунун басма сөз катчысы Мирлан Дыйканбаевдин “Азаттыкка” билдиришинче, элчи аймактагы жергиликтүү бийлик өкүлдөрү менен жолугушуп, Нарындагы инвестициялык мүмкүнчүлүктөр менен таанышмакчы. Мындан тышкары туризм, айыл чарба азыктарын иштетүү жана тигүү ишканаларын ачуу боюнча сүйлөшүүлөрдү өткөрөт. (ErB)
